ശിവായ നമഃ ||
ശിവ അഷ്ടകം പ്രഭും പ്രാണനാഥം വിഭും വിശ്വനാഥം ജഗന്നാഥനാഥം സദാനന്ദഭാജം | ഭവദ്ഭവ്യഭൂതേശ്വരം ഭൂതനാഥം ശിവം ശങ്കരം ശംഭുമീശാനമീഡേ ||൧|| ഗലേ രുണ്ഡമാലം തനൗ സര്പജാലം മഹാകാലകാലം ഗണേശാധിപാലം | ജടാജൂടഗംഗോത്തരംഗൈര്വിശാലം ശിവം ശങ്കരം ശംഭുമീശാനമീഡേ ||൨|| മുദാമാകരം മണ്ഡനം മണ്ഡയന്തം മഹാമണ്ഡലം ഭസ്മഭൂഷാധരം തം | അനാദിം ഹ്യപാരം മഹാമോഹമാരം ശിവം ശങ്കരം ശംഭുമീശാനമീഡേ ||൩|| തടാധോനിവാസം മഹാട്ടാട്ടഹാസം മഹാപാപനാശം സദാ സുപ്രകാശം | ഗിരീശം ഗണേശം സുരേശം മഹേശം ശിവം ശങ്കരം ശംഭുമീശാനമീഡേ ||൪| ഗിരീന്ദ്രാത്മജാസംഗൃഹീതാര്ധദേഹം ഗിരൗ സംസ്ഥിതം സര്വദാ സന്നിഗേഹം | പരബ്രഹ്മ ബ്രഹ്മാദിഭിര്വന്ദ്യമാനം ശിവം ശങ്കരം ശംഭുമീശാനമീഡേ ||൫|| കപാലം ത്രിശൂലം കരാഭ്യാം ദധാനം പദാംഭോജനമ്രായ കാമം ദദാനം | ബലീവര്ദയാനം സുരാണാം പ്രധാനം ശിവം ശങ്കരം ശംഭുമീശാനമീഡേ ||൬|| ശരച്ചന്ദ്രഗാത്രം ഗുണാനന്ദപാത്രം ത്രിനേത്രം പവിത്രം ധനേശസ്യ മിത്രം | അപര്ണാകളത്രം ചരിത്രം വിചിത്രം ശിവം ശങ്കരം ശംഭുമീശാനമീഡേ ||൭|| ഹരം സര്പഹാരം ചിതാഭൂവിഹാരം ഭവം വേദസാരം സദാ നിര്വികാരം | ശ്മശാനേ വസന്തം മനോജം ദഹന്തം ശിവം ശങ്കരം ശംഭുമീശാനമീഡേ ||൮|| സ്തവം യഃ പ്രഭാതേ നരഃ ശൂലപാണേഃ പഠേത്സര്വദാ ഭര്ഗഭാവാനുരക്തഃ | സ പുത്രം ധനം ധാന്യമിത്രം കളത്രം വിചിത്രൈഃ സമാരാദ്യ മോക്ഷം പ്രയാതി ||൯|| ഇതി ശ്രീശിവാഷ്ടകം സംപൂര്ണം || shaivam.com
No comments:
Post a Comment